1. O i' bin an' arma Sennderbua, / ho' verlorn mei' Kühlei heunt, / und i' ho' koa' Rast und i' ho' koa' Ruh', / ho' sie g'suacht scho' weit und breit. / ja i' bin an' arma Sennderbua.
2. Mei' Kühlei war so schö', so guat, / Und war all' mei' Eignthum, / Drum wann's ebba Jemand find'n thuat, / O der bring' mir's wiederum.
3. Meini Kinda hamm si' allmal g'freut, / Treib' i' von der Alm nach Haus, / Doch vorbei is jetz' die Lustbarkeit, / Denn mei' Kühlei bleibt ja aus.
4. Sie hat Milch und Kas' und Butter gebn, / Für uns alli satt und gnua, / Doch vorbei is jetz', das schöne Lebn, / 'Bin an' arma Sennderbua.

Der Senner besingt den Verlust seiner (einzigen) Kuh, die die Familie/Kinder ernährte.

aus: Der Zitherspieler. Eine Sammlung ausgewählter Musikstücke für die Zither (mit oder ohne Begleitung der Guitarre.) Componirt von H. Max. (wahrscheinlich Op. 49).

1. Gar ninderscht g'fallt ma' 's Lebn so wohl, / als auf der Alm, wo i's Gambserl hol, / jetz' schaugts no was's für schöni Sprüngerln macht, / daß's Herz vor Freud' in Leib oan' lacht. (Jodler)
2. Wenn d' Alma grünt und 'sKühlei springt, / Und d'Senndrinn Milch und Butter bringt, / Und sagt ma' freundli', daß i' bleibn soll, / Da is' ma' halt bei ihr so wohl.
3. Die Senndrinn is ma' herzli' guat, / Sie hat a' Lebn, an' frischn Muath, / Und wann s' mi' sicht, so sagt s' mei lieber Bua / Und Schmatzerln gibt mir aa' grad gnua.
4. Ja liebi Leut', dessell is g'wiß, / Daß über d' Alma gar nix is, / Drum geht halt aa' a' jeder frischi Bua / Gar so viel gern der Alma zua.

Lied über das schöne, freie Almleben. Die Zither spielt die "Jodler"-Melodie dazwischen.

aus: Der Zitherspieler. Eine Sammlung ausgewählter Musikstücke für die Zither (mit oder ohne Begleitung der Guitarre.) Componirt von H. Max. (wahrscheinlich Op. 49).

1. Z'Boarisch=Zell da is' a' Freud', / san die Gambs leicht zum dafragn. (Jodler) / San die Diendln bei der Schneid, / D'rum geit's allweil ebbas z'jag'n. (Jodler)
2. 'Birsch' in Miesing spat und frua / Und in' Troadn seini Graabn, (Jodler) / Und hat 's Gambs amal an' Rua, / Jag' i' 's Diendl auf der Laab'n. (Jodler.)

Gemütvolles Heimatlied eines Jägers mit Landschaftsbezeichnungen und Liebesbezug.

Erstveröff.: Obb. Vl. 1846, S.34. TA: 8.3.1997; Fürstenzimmer Kloster Seeon; Martl Meier (Gesang, St.

1. Wie freut mi' mei Bix (Jodler) / da d'rüber geht nix (Jodler) / und wann i' mei' Bix nimma führn soll, / is mir auf dera Welt nimmer wohl, / wie freut mi' mei Bix (Jodler) / da d'rüber geht nix!
2. Wie freut mi' die Birsch (Jodler) / Auf d'Gambs und auf d'Hirsch (Jodler) / Wann i' nimmer birschn und jagn soll, / Is mir auf dera Welt nimma wohl, / Wie freut mi die Birsch ...
3. 'Ko' nix schöners geb'n, (Jodler) / Als jaagerisch leb'n, (Jodler) / Wann i' nimmer jaagerisch lebn soll, / Is mir auf dera Welt nimmer wohl, / Ko' nix schöner's geb'n ...

Einstimmiges, freudiges Vierzeilerlied mit Jodlereinschub über das schöne Jägerleben.

1. Glaubts mir's, daß i' oft moa' tria-ri-tr-rai trai-ra / über mein' Wendelstoa tria-ri-tra-ra- / geht mir koa' andrer Platz, tra-rai-rai trai-ra. / Er is mei' größter Schatz. tra-rai-trai-ra tralle-ra.
2. Drob'n da thuats mi' freu'n, / Singa und Juchhe schrey'n, / Drobn wo's kloa' Kircherl steht / Und 'sWölkerl umigeht.
3. Wann i' erst außi schau', / Wo s Lüfterl is schö' blau, / Sich' i' die Stadt die schö', / Mit die zwoa Kirthurm steh'.
4. Dort is der Kini z'Haus, / 'Schaugt wohl in d'Berg oft 'naus, / 'Sollt' amal kemma 'rei', / Wur' ihm nit zwider sey'.

Heimatlied mit Vergleich von Berg- und Stadtleben und einer Einladung an den König.

Laendler für die Zither von H. Max. Op. 54.

Erstveröff: München 1855. VMA: Komp. S. 333ff. TA: 24.1.2008; VMA; H. Scholz (Zither).

1. Wenn so d' Sunn' schö' staad da abaschleicht / Und da Nebi d'rauf an' Tag vascheucht, / Steigt mei' Herz no'mal zum Himmi auf / Und zu dem, der schafft an' Sunna=lauf.
2. Lieber Himmi, bitt' di' innigli', / Daß i' lang, recht lang so g'sund no' bi', / Laß mi' fröhli' sey' auf dera Welt, / Laß a' Freud mi' hab'n an Wald und Feld.
3. B'hüt' die Schaf', die Goas' und aa' mei' Kua, / Woaßt ja selm, daß i' s' braucha thua, / Gib ihn' 'sGras, damit s' 'n Hunga stilln, / Z'friedn solln's ja sey', dees is dei' Willn.
4. Für an' Gwiß'n bitt' i' b'sunders no', / Brauch's nit z'sagn, du woaßt ja so davo', / Laß'n aa' recht fröhli' sey' und wohl, / 'Is ja, der mi' glückli' macha soll.
5. Endli' laß' uns alli mitanand / Ruhi' schlafa heunt in deiner Hand, / Gib uns, daß ma' nach der guatn Rua / Wieder frisch aufstenga morgn frua!

Sehr gemütvolles und besinnliches zweistimmiges Abendlied mit religiösem Charakter.

für Zither Violino und Guitar v. H. M.