Text zu: Juche frisch auf oder: Der beinahe ertränkte Jager

1. Juhe, frisch auf zum Schiaßen frei, und wer auf d'Alma geht, / wer im Wald stad umananda schleicht auf d'Hirschlein und auf d'Reh! / Ja, s'Wildpratschiaßen is mei Lebn, / ja, weil es tuat brav Geld agebn. / |: Ja 'sWildpratschiaßen is mei Freid, / drum grat i's nimma leicht. :|
2. An Bamgartn drobn, da is's recht schö, da gibts brav Hirsch und Reh; / da sehgn ma s'scho vo Weitn steh, wenn ma's hint aufi gehn; / da pirsch i mi stad uma schö, / daweil siech i an Jaga steh, / |: er schleicht si halt zu mir da her, / bedroht mi mit sein Gwehr. :|
3. Jetzt schreit mi halt da Jaga o: "He Bursch, was machst du da? / Du hast mit koana Büchs nix z'toa, des Ding is net aso; / du muaßt di jetza mir ergebn, / du muaßt dei Büchs vür d'Füaß herlegn, / |: du muaßt mit mir nach Tegernsee geh, / da geht's da nimma schö!" :|
4. Nacha gehn ma halt mitnand schö stad an Weg an Alpbach zua, / an Jaga hat da Durscht opackt, er sauft eahm Wassa gnua. / I geh eahm no an seiner Seit, / verlier koa Wort zu einem Streit, / |: aber auf oamal gib i eahm an Stoß ganz fein, / a d'Gumpn platscht er nei. :|
5. Und wia er halt da drin is glegn, da bitt' er um sei Lebn. / I bin eahm halt no gnädi gwen und habn net ganz datränkt. / Koan Huat, koan Rucksack und koa Büchs, / der arme Jaga hat halt nix; / |: jetzt war a do bald narrisch wordn, / hat gmoant, er hat s'verlorn. :|
6. Drum mirkts es enk, ös Jagersleut, und laßts de Schützen steh / und seids net gar so voller Schneid, es kannt enk net guat geh. / A Wildschütz laßt si net mitführn, / hat koana ja an Dreck im Hirn, / |: sinst mach ma's enk no allsamm recht, / ös arme Jagersknecht! :|

In ganz Oberbayern war dieses allgemeine Wildschützenlied bekannt, dessen Text schon um 1800 in den "Stubenberger Liederbüchern" auftaucht. In dieser Form hat es Kiem Pauli 1930 von der Gesangsgruppe Kögl (Lenggries) aufgeschrieben. (Singfassung EBES 1990.)

Heft: Moritaten I, S. 14. (VMA 1990) TA: Gesellige Runde, Sonntag, 23.4.2006 im VMA.