Text zu: Adam und Eva oder Der Sündenfall

1. Mir wolln enk jetz singa, / a Liadl a neus, / von Adam und Eva, / vom Paradeis. / Fidrallalala, fidrallalala, fidrallalalalalala!
2. Ja wie halt Gott-Vater / die Welt hat daschafft, / da hat er zuerst / den Adam gemacht. / Fidrallalala ...
3. Da hat halt Gott-Vater / an Adam a Rippn rausghaut / und hat eahm a vorwitzigs / Everl draus baut.
4. Da sagt halt Gott-Vater: / "Vo dem Baum eßts ma nix / und wenns ma was abatoats, / kriagts ma wixwix!"
5. Da hat halt glei 's Everl / an Apfl abrockt / und hat eahm a Speitl / ins Maul einegschoppt.
6. Da kimmt halt Gott-Vater / und jammert und schreit: / "Was habts denn es ogstellt, / es sakrischen Leut?"
7. Da sagt halt glei 's Everl: / "I hab ja nix to, / da Adam soll gscheida sei / er is da Mo!"
8. Da laßt halt Gott-Vater / die Engl ruafn, / sie solln de Bogaschn / glei aussewerfn.
9. "Ja schmeißts es no ausse / und sperrts fleißi zua, / sonst gibt de Bogaschn / draußt aa no koa Ruah!"
10. Und 's Liadl is gsunga / und schee hat's net to. / Was geht des de lausigen / Zualoser o?

In dieser Form singt das Ehepaar Rosa und Sepp Linhuber aus Meisham/Eggstätt heute das in allen oberbayerischen Gegenden verbreitete "Adam- und Eva-Lied".