Text zu: "Gott grüaß enk, Leutln, allezamm" - "Hirtenlied", "Klöpfilied"

Die Hirten Lenz, Ruapp und Stoff erzählen freudig von der Verkündigung der Geburt des Heilands durch den Engel. "Gschwind" machen sie sich auf nach Bethlehem und finden in ihrem "Schafistall" den Heiland. Mit ihren "schiachen Werktagsröck" schämen sie sich, freuen sich aber das Kind sehen zu dürfen. Sie geben dem Kind ihre Gaben und ziehen wieder heimwärts, "dass ma d'Schafi net voliern". Die Bitte nach einem "Tröpfli Schnaps" ist eine typische Wendung der Klöpfler, die an den Donnerstagen im Advent vor den Häusern u.a. mit Hirtenliedern die Menschen auf das bevorstehende Weihnachtsfest hinwiesen und dafür Naturalien/Gaben erhielten.

1. Gott grüaß enk, Leutln, allezamm, / megn sei, so viel enk wolln, / mia kemman her vom Heilign Land / und wissn viel z'dazähln. / Was Wunderbars sich zua hat tragn / in Bethlehems Revier. / Meine liabn Leut, i woaß enk z'sagn, / enka Lebtag sehgts des nia.
2. Wia mia ham z'Nacht bei Schafi gwacht, / i, da Lenz, da Ruapp, da Stoff, / hats a wundabare Liachtn gmacht / und 's Himmiloch is off. / Auf oamal kemma d'Engl her, / z'erscht oana, gahlings all, / die sagn, heut war da Heiland z'findn / zu Bethlehem im Stall.
3. Mia ham glei unsa Sach zammpackt / a jeda volla Schneid, / und ham uns gschwind nach Bethlehem gmacht, / as spekuliern, was geit. / Da findn ma in unsern Schafistall / den Heiland als kloans Kind. / Wia werd dem Haschal z'hurschi sei / bei dem eiskaltn Wind?
4. Jetzt stand ma da wia d'Ofenstöck / und ham uns ordntlich gschamt / mit unsre schiachn Werktagsröck, / weil wir koani schönan ham. / Aba nebnbei hats uns schreckli gfreit, / des Jesukind oschaugn, / das Kind voll Liab und Heiligkeit, / alli brennan heut no d'Augn.
5. So stand ma da recht lang und lang, / ham bet, ham glacht, ham grerscht, / und ham eahm gebn, alls was ma ham, / is woi koa Red daweascht. / Jetzt müaß ma wieda hoamwärts schaugn, / dass ma d'Schafi net voliern. / |: Geh gebts uns do a Tröpfli Schnaps, / draußd is heut zum dafriern! :|

Qu: KP, S. 425, "Vorgesungen von Frau Anni Thoma, Holzkirchen, 1927." TA: Hubert Meixner, Leonhard Meixner, Annemarie Meixner, Vagen; Eva Bruckner, Berchtesgaden; Florian Burgmayr, Warngau; Martin Prochazka (Gitarre), Fischbachau; am 10.9.2010 im VMA mit H. Scholz.