Text zu: "Bin i a lustigs Bürscherl z'haus"

Die Sennerin lädt den schneidigen Wildschützen ein, die Nacht mit ihr zu verbringen

1. Bin i a lustigs Bürscherl z'haus, koa Mensch will mi net lobn, / auf der Welt kenn i mi nimma aus, weil allas is dalogn. / Drum bin i jetzt erst recht wohl zfriedn und desto frischer dro, / i schaug, daß i a Bix bekimm und fang zum Schiaßn o! / Aba net auf die Deandl, ja grad aufs frisch Wild, / weil da Gamsbart und d'Fedan am Huat so guat spielt.
2. 's Stutzerl is scho hergricht und da Feuerstoa is drauf, / a Ranzerl muaß i a no habn, wias bei die Schützn is Brauch. / Und kimm i no am Abend spat hoch aufi auf die Alm, / i hab an frischn Juhschroa to, des hat da Sennrin gfalln. / Die Sennrin, de schreit scho vo weitn unta da Tür: / "Frischa Wildschütz, kehr ei, geh net allawei für!"
3. I geh in d' Hüttn eini und zünd a Pfeiferl o, / d' Sennrin sitzt si her zu mir und hat an Seufza to: / "Wannst ma net bist feind, so bleibst heut Nacht bei mir, / es werd da ja scho dunkl heut, geh morgn in der Früah!" / Es is auf ra jungs Deandl weita a net gar z'rar, / daß ihrs okenna laßt, daß ihr a scho drum war!
4. "Wildschütz," sagt die Sennrin, "heut gehts uns aba sper, / Gras ha i koans abdaschlagn, Bett ha i a koans mehr, / es geht net anders," sagt sie jetzt, "als schlafa muaßt bei mir, / an Wecka ha i a scho gsteckt, zwengan Aufsteh in da Früah." / Aba so san die Deandl bei da jetzign Zeit, / wanns nur allwei oan hättn, ja, des war a Freud!
5. Des Morgens, wann der Tag ograut, da steh i hurti auf. / A Rahmmuas, sagt sie, kocht sie mir, wias z' Alm obn is da Brauch. / "A Rahmmuas," sag i, "mag i net, früah tuats ma net am Magn, / des is für solche Sennrina guat, de allwei Hunga habn!" / Da nimm i mei Bixerl und mei Ranzerl zu mir, / ha an Juhschroa aufto und bi aus bei da Tür.

Qu: KP, S. 278, "Vorgesungen von der Birk Marie. Bad Kreuth. 19.10.1927. Kohl, 1. Band, 1913, S.243, Nr.139, 6 Strophen. Text und Melodie kleine Unterschiede." TA: Hannerl und Fredl Wallner, Eva Bruckner (Gitarre), Trachtenheim Hittenkirchen, 9.5.1992, TRL 0148