Text zu: Rieslalma-Lied - "Auf da Alm, da is a lustigs Lebn"

In sehr deutlicher und kräftiger Sprache besingt der streitbare Wildschütz sein Erlebnis mit drei Jägern. Diese tragen etliche Verletzungen aus dieser Begegnung davon. Danach kehrt der Wildschütz bei der schönen Sennerin auf der Rieslalm ein.

1. Auf da Alm, da is a lustigs Lebn, / sobald es Summa werd, / da nimm i 's Bixal a mit mir / zum Trutz, ders mia vabiat. / An Jaga nimm i glei mit oana Hand / und wirfn üba d'Wand, / und schmeißn üba d'Leitn a, / aft liegt de Hundshaut da. / Fi-da-ra-da-ra, fi-da-ra-da-ra, fi-da-ra-da-ra je ju-che, / und schmeißn üba d'Leitn a, / aft liegt de Hundshaut da.
2. I geh an Alman hin und her, / i geh de Gamsein z'Gfalln, / und wia ma 's Gamsei zuachant kimmt, / laß i mei Bixal schnalln. / Und wia i hab des Gams in Sack, / fragt mi da Jaga, was i trag, / i gib eahm oani in d'Fotzn nei, / aft möcht a pfriedn sei. / Fi-da-ra-da-ra, fi-da-ra-da-ra, fi-da-ra-da-ra je ju-che, / i gib eahm oani in d'Fotzn nei, / aft möcht a pfriedn sei.
3. An Sunnta, da is Kirchta gwen, / da hams mi all drei gsehgn, / sie schaunt mi glei vo Fuaß auf o, / i bleib a weni stehn. / I woaß net, hat mi oana kennt, / sand alle drei ins Wirtshaus grennt, / des Ding hat mi vo Herzn gfreut, / drei Jaga hamt koa Schneid. / Fidaradara ...
4. Jetzt steig i auf die Riesl-Alm, / is gar a hohe Alm, / da hats a hübsche Senndrin gebn, / Bua, de, de hat ma gfalln! / Sie hat ma glei a Schmalzkoch gmacht, / und Holznudl hats ma a zwengbracht, / aft hama ins zusammen glegt / im Kammerl drin as Bett. / Fidaradara ...
5. Und wia des Ding is gwen vorbei, / nimm i mei Gamsei glei, / wenns oana tuat lang umatragn, / tuat oan da Hunga plagn. / Aft kehr i wieda bei ra Sennrin zua, / sie gibt ma Kas und Butta gnua, / und is des nachant a vorbei, / aft legn ma ins as Heu. / Fidaradara ...

Qu: KP, S. 272, "Vorgesungen von G. Mooslechner, Inzell, 5.12.1927. Blümml, 7. Band, ohne Melodie, S.20. Text etwas anders. Nach Blümml stammt das Lied aus dem Jahr 1799; mein Text scheint sehr zersungen und ich bringe das Lied nur, weil Blümml keine Melodie hat." TA: Sepp Steiner, Auer Hansl (Akkordeon), Inzell, 7.2.1992, TRL 0091