Text zu: Tölzer Schützenmarsch

(Melodie A) Im schönen Isartal / schallt muntrer Büchsnknall. / In Tölz, da is a Schiaßats heut, / des gfreit uns allemal. / Drum greifts den Stutzn o, / wer zieln und treffa ko: / Mit frischem Muat, an Strauß am Huat, / so liabts des Schütznbluat.

(Melodie A) Z'erst geht auf Post man nei / und feucht' si d'Gurgl ei. / Du glaubst mas net, wia schneidi macht / a so a Glasl Wein. / Na richt ma si halt z'samm, / nimmt alls, was ma muaß habn, / und fertig is, als wia im Flug, / da schönste Schütznzug.

(Melodie B) Frisch werd, und stramm im Takt / de Gschicht dann glei opackt; / die Musikantn fest voro, / da blast a jeda, was er ko! / Alles na juche schreit / vor lauter Lustbarkeit, / dulije, dulje, dulje, dulje, dulje, / es is a wahre Freud.

(Melodie B) Aba schaugts dort an Kreana-Bäck, / der nahm gern 's Erste weg. / Da Schmozer Sepp vom Tegernsee / is rübakemma a, o weh! / Dort steht da Kolberbräu, / da Karl is aa dabei. / Die Zieler mit'n rotn Gwand - / de schrein, es is a (wahre) Schand!

Radldibum! - - (Melodie C) Isartal, du bist mei Freud, / da geht ma's Herz auf mächtig weit, / wann i in de Berg neischau, / de all mi grüaßn freundli blau! / O, du, mein schönes Tölz / mit deine Berg, mit dein grean G'hölz! / Ja, i moan, es kunnt nix Schöners gebn, / als da herin zu lebn im Isartal, Isartal.

(Melodie D) Aba froh is as Tölzer Gmüat, / hat gern a lustigs Liad. / Schneidig san d'Buama all / im schönen Isartal. / Deandal wia Milch und Bluat, / san a de Buam so guat. / 's konn gwiß nix Schöners gebn / als 's Tölzer Lebn.

(Melodie D)Aba frisch is da Tölzer Schütz, / er trifft ja wia da Blitz, / mittn ins Schwarze nei, / des werd wohl lusti sei; / oda er is so frei, / schiaßt an da Scheibn vorbei, / des kummt von gar nix her, / als von sei'm Gwehr!

(Melodie A) Jetzt is das Schiaßn aus, / da Zug geht lusti z'Haus, / denn auf da Post, da gibts heut no / an sakrisch guatn Schmaus. / D'Preisträger mit da Fahn, / de steign ganz stolz voran: / "Schaugts, Madal, o, was i alls ko, / war i net da rechte Mo?"

(Melodie B) Ja, so a Schiaßats is / a rare Sach ganz gwiß, / drum san ma lusti und fidel / (und) mach ma allahand Grebell. / "Trinkts, Buama, trinkts mit Gwalt, / vosamt is ebbas bald! / So lustig, Schützn, als wia heut, dulje, / is's net glei alle Zeit!"

Der "Tölzer Schützenmarsch" wurde vom Bürgermeister, Wirt, Zitherspieler und Komponisten Anton Krettner (1849-1899) als opus 8 im Jahr 1883 für eine Faschingsunterhaltung der örtlichen Schützengesellschaft komponiert und gedichtet. In den Wirtshäusern aber auch bei Männerchören war und ist die gesungene Fassung des Tölzer Schützenmarsches beliebt - zahlreich sind die Abweichungen und Umtextungen durch die Sänger. Auch der Kiem Pauli hat den Marsch gern interpretiert. In weiten Strecken halten wir uns an seine Fassung (u.a. von 1929). Am Schluß hat er angehängt:

Hali, halo!