Text zu: Und da Bauer bei da Bäurin ...

1. Und da Bauer bei da Bäurin, / da Knecht bei da Dirn, / und da Küahbua beim Kindsdeandl / mechts a scho probiern.
2. Aba 's Deandl is vo Notham, / wos koa Mehl und koa Brot ham, / da Bua is vo Vogldax, / wo nix steht und nix waxt.
3. Auf die Alma is lusti, / toans kasn, toans rührn, / dahoam müassns dengln, / daß ar a Schneid kriagn!
4. 's Gamsal am Gwänd / hat an Arsch, an weißn, / als wia d'Madln am Samsta, / wenns die Pfoad wegschmeißn.

Am 14.11.1927 hat die "Hallwegerin" von Bergen dem Kiem Pauli Lieder und Vierzeiler vorgesungen ("Slg. Oberbayr. Volkslieder", München 1934. S. 301 Auswahl).