Text zu: Bei uns auf da Post ...

1. Bei uns auf da Post / san gar freundliche Herrn; / balst zwoamal was fragst, / ko'st glei nausgschmiss'n werdn.
2. Da Kriagldeckl geht auf, / und da Kriagldeckl geht zua, / so hab i mei Lebtag / vom Kriagldeckl koa Ruah.
3. Ja gibts denn was Scheners / als d' Schulmeisterei, / da is bald a Kindstauf, / bald stirbt an alts Weib.
4. Auf unserm Oktoberfest / gibts Ochsn gnua, / de oan, de wern bratn, / de andern schaugn zua.
5. Da Pfarra vo Aubing / is a kreizbrava Mo. / Er bet, was a muaß, / und er sauft, was a ko.
6. De Häuser san baut, / nach da neuestn Mod, / balst im erstn Stock niaßt, / sagns im Parterr: Helf da God.

Eine kleine Auswahl in München gängiger Vierzeiler aus der Zeit vor dem 1. Weltkrieg, die Ernst Buchner in seiner Sammlung "Lieder aus dem Oberland" (München 1913. S. 44 ff) veröffentlicht hat. Mögliche Melodie z.B. wie Seite 6.