Text zu: Mei Dirndl is sauber ...

1. Mei Dirndl is sauber / und g'wachsn wie a Flachs, / hat a oberbayrisch Kröpferl, / krumme Haxn wia a Dachs.
2. Mei Bua is a Loda, / wie's koan zwoaten net gibt. / Der is alleweil doda / und bis in d' Ohrwaschl verliebt.
3. Der Essig ist sauer, / und da Zucker ist süaß. / Und mei Voda is a Bauer, / hot Mordstrümma Füaß.
4. Beim Skifahrn hot oana / an Haxn verrenkt. / I kunnt ja glei woana, / hob'n selba net kennt.
5. Drob'n auf da Zugspitz / geht a eiskalta Wind, / da nimmt da jung Teufi / sei Schwiegamuatta beim Grind.
6. In der Jachenau draußen / san a netti Leut, / de jodln und saufen, / des is grad a Freud.
7. Mei Diandl hot a Göscherl / wie a Kirschkern so rund, / und ihr schneidiges Herzal / wiegt 24 Pfund.
8. Heut Mittag gibts Knödl, / da hau i fest drei, / nacha fahr i mit meine Brettl / ins Loisachtal nei.
9. Und mei Diandl ist oanaugat / und auf oana Seitn blind / und da Hemat Zipflan hint hingwaxn: / ist doch a netts Kind.
10. Und da Hans und da Steffi / und da Jackl dazua, / jezt brauch ma no an Sattler Wast, / nacha sama Rindviecha gnua.

Bei unserer Sammelaktion zur musikalischen Volkskultur in Garmisch-Partenkirchen anläßlich der "Oberbayerischen Kulturtage 1995" hat Herr Hans Rößner aus Partenkirchen einen Zettel mit 10 durchnummerierten handschriftlichen "Schnada-hüpferl" aus der Zeit um 1930 (?) zur Verfügung gestellt. Wir geben die Texte in etwas geänderter Schreibweise wieder. Die Melodie war zu dieser Zeit in Garmisch und Partenkirchen gebräuchlich und in ganz Oberbayern verbreitet.