Text zu: Da Baua hat d'Bäurin ghaut

1. Da Bauer hat d'Bäurin ghaut / hinter der Stiagn, holoda rei holaro, holoda rei holoro. / Der Knecht hat gsagt, recht hast ghabt, / i hau de Dirn, holoda rei holaro, holodaro.
2. De Deandl vo ... / de ham an schen Gang, holoda rei holaro ... / Mit oan Hax toans Grasmahn, / mit dem andern heigns zam, holoda rei holaro ...
3. An Herrgott im Herzn / und s'Dirndl im Arm ... / Da oane macht selig, / de ander macht warm ...
4. Da Vata hat's Haus vokaft / und an Hof a ... / Jetzt gehts übern Goaßbock her / halleluja ...
5. Am Dirndl sein Fensta / hängt a Rotzglockn dro ... / Wann da rechte Bua kimmt, / daß er o'leitn ko ...
6. Und im Gasteiner Tal, / gebn de Glockn koan Hall ... / schlagn koa oanzige Stund, / ham an Glache z'weit unt ...
7. Und sei Frau, de hoaßt Res, / bald ers oschaugt, schaugts bös ... / Wann ers olangt na schreits, / mit seina Res is a Kreuz ...
8. Aber sei Frau, de hoaßt Cilli, / und de is recht willig ... / Sie gab's eahm gwiß a, / wanns zum obschraufan war ...
9. Und da ... is sauber / von de Füaß bis zum Hals ... / Aba dann kimmt sei Kopf / und der vaschandlt wieda alls ...
10. Da ... is oana, / dem gehts gar ned z'rar ... / Für de Weiba is a z'gring / und für de Henna is a z'schwar ...
11. "Zum Geburtstag kafst ma ebbs, / wos zu meinem G'sicht paßt!" ... / hat mei Frau gsagt und i hab ihr / an Faltenrock kaft ...
12. Aber Irren, des is menschlich, / hat da Gockl znachst gsagt, ... / wia a se amoi im Finstern / auf a Antn ghockt hat ...
13. Alte Schwiegermüatter, alte Bandlwürm, / ja de gibts halt grod gnua ... / Und solang mas ned beim Kopf dawischt / gebns all zwoa koa Ruah ...
14. Und s'Dirndl is krank, / liegt dahoam auf da Bank ... / Kimmt da Dokter dazua, / war vui gscheida da Bua ...
15. Aber Diandl, wannst heiratst, / na heiratst koan Schmied ... / Der hammert de ganz Nacht / und laßt dir koan Fried ...
16. Drum Diandl wannst heiratst, / na heiratst halt mi ... / Hab a gußeisas Hosntüarl / und a hölzas Bibi ...
17. Was schleichst ma denn allawei / uma ums Bett ... / Du keist ma ja s'Hafei um, / siagstas denn net! ...
18. Und im Böhmerwald, da waht da Wind so kalt, / da kennan d'Vögl nimma pfeifa ... / Und da Oberlehrer hat se d'Finga gfreat, / jetzt kon er d'Henna nimma greifa ...
19. Und im Böhmerwald, da waht da Wind - / und de Liab macht de Buama blind ... / Und da Knecht laft in Kuche gschwind - / und macht da Bäurin a kloans Holz, / weil des grouß so schlecht brinnt, holadaro.
20. A Bock und a Goaß, / tean miteinanda an Schoaß ... / Wanns ausgschoaßlt ham, / zwickans s'Loch wieda zamm ...
21. Hab i's hinum busslt, hab i's herum busslt, / hab i's einibusslt unta d'Strah ... / Is da Bauer kumma, hod an Fiesl gnumma, / wias am lustigesten gwesn war ...
22. Jetzt müaß ma gent aufhörn, / es werd ja scho Nacht ... / Hat koana vo uns no / sei Hausaufgab gmacht ...

Zusammengestellt und gesungen von Christl Arzberger aus Wasserburg (auch im Zweigesang mit Gerhard Tristl aus Grafing). Die Melodie ist in Oberbayern überaus verbreitet und beliebt zum Mitsingen von Schnaderhüpfln. Viele Texte sind den Sängern bekannt, so daß man nicht nur bei den Jodlereinwürfen und der Wiederholung mitsingen kann. (Achtung bei Vierzeiler 19.) EBES