Text zu: Bin i da kloa Sumberger Baua

1. Bin i da kloa Sumberger Baua / und hab halt a Häuserl a kloans. / |: Mei Feld is a Lack und a Weiha, / mei Viech is a Kuah und a Goaß. :|
2. Schlafn tean ma auf da Bank dort beim Ofn, / ma ko net de ganz Nacht umloan, / |: denn in d'Bettn san d'Wanzn neikrocha, / bal ma neisteigt, na passns auf oan! :|
3. Mei Hemad is umadum z'rissn, / es halt ma fast nimma am Leib, / |: de Hosn hab i ma naufbunden, / so haus ma halt, i und mei Weib! :|

Melodie übernommen aus den Notenaufzeichnungen Miesbacher Tanzmusikanten (u.a. Slg. Maier). Auch Kiem Pauli (1882-1960) hat das Lied in Varianten und vielen Strophen in seine "Sammlung Oberbayrischer Volkslieder" (München 1934, Fassung S. 39 ff) aufgenommen.