Text zu: Jager und Senndrinn

1. Jager=Bua, sag mer, wo bischt so lang g'wes'n, / ho' di' meinoad ja zwoa Wocha nit g'seg'n? / "Sennderinn, schau auf die Gambs bin i' 'ganga, / bin auf der Schneid umanand g'leg'n.
   Denn Gambsei'n die schieß' i' gern, die san mei' Freud' / und da bin i' am liebstn, wo's Gambsei'n g'nua geit.
2. Jager woaßt wohl und i' will d'r was sag'n / San dir die Gambs so viel lieber als i', / Oft kanscht mer aa' von der Hütt'n weg bleib'n, / Woaß mer an' andern als di',
   Denn Buabna san' gar nit raar Buabna geit's gnua (und) / Wann d'ebber nit kemma willscht, Geh' mehr no' zua.
3. Senndrinn, daß's Buabna geit will i' nit sag'n / Aber die frischern san d'Jager san mir, / Willscht du an' Drescher hab'n, mag dir's nit wihr'n, / Oft kimm i' nimmer zu dir,
   Da kannscht nacher red'n Von Haber und von Troad' (und) / Er thuat aa leicht gras'n Bey dir auf der Woad."
4. Jager du derfscht di' nit gar a so prahl'n, / Derfscht di nit mach'n so fürnehm und stolz, / Gehscht wohl zun Jag'n, als woltscht Alles freß'n, / Kimmscht aber laar aus'n Holz,
   Da hoaßt's ja der Wind Hat die Kug'l verschlag'n, (und) / Natürli' der Wind gelt Den ko' mer nit frag'n.
5. "Senndrinn, jetz' hör'mer auf du mit dein Tratz'n / Heunt bin i' da und was willscht nacher mehr / Und i' versprich's und i' kimm morgen wieder, / Waar es aa' no' so weit her,
   Denn di' laß i' nit', Und i' kunnt ja nit leb'n (und) / Hättscht du aus Verdruß No' an' Andern d'rneb'n."

Zweistimmiger Dialog zwischen Sennerin und Jagersbua über die Liebe und die Jagd.

Erstveröff.: Obb. Vl. 1846, S. 19f. TA: 30.5.2006; VMA; Vroni und Christine Gerg (Gesang, Lenggries), Kloiber Sepp (Gesang und Gitarre, Gaissach) und Hannes Janßen (Gesang und Gitarre, Lenggries).