Text zu: Der Waldbua

1. Und a Waldbua bin i / und a Walddeandl liab i, / |: bin a Bua, a junga, / schleich im Holzschlag uma. :|
2. Aba Dirndl, sei gscheid, / liab an Buam, der di freut. / |: Liabst an Buam mit an Geld, / hast koa Freud auf der Welt. :|
3. Aba Dirndl, mei, mei! / Wer werd denn gar a so sei! / |: Wenn du gar a so bist - / is mei Hergehn umsist. :|
4. Aba Dirndl, mei liabs, / wannst mi Zithern schlagn liaßst! / |: "Wannst mi heiratst, mei Bua, / kannst die Zithern schlagn gnua." :|
5. Aba Dirnei, geh, geh, / in da Fruah an Kaffee, / |: zu Mittag saure Ruam, / und auf d'Nacht an schön Buam. :|
6. Und a Bier in am Fass, / trink ma's aus, is a Gspaß. / |: Und zwoa Dirndln im Bett: / wenn oans schlaft, hat's ander' nett. :|
7. Du sagst allweil vom Treubleibn, / du sagst allweil vom Liabn, / |: du sagst allweil vom Vögelfang', / aba i siach nia koan fliagn! :|

(Nachgsangl:) Schmalz in da Buttn, Loahm in da Gruabn, / lustig san d'Holzhackerbuam, / san s' im Berg oder im Tal, / lustig san sie überall!

Trad.: Im ganzen süddeutschen Sprachraum ist mit immer anders zusammengestellten Vierzeilern das Liedmotiv "Und a Waldbua bin i" im Volksgesang bekannt und beliebt. VMA 2006.
Abdruck: Faltblatt "Volksmusik im Bauernhausmuseum Amerang" (VMA 2007). TA: Volksgesang, Begleitung mit Akkordeon und Gitarre, EBES.