Text zu: Mir is alles oans

1. Wer a Geld hat, kann ins Theater fahrn / und wer koans hat, macht si z'Haus an Narrn: / (Refrain:) Mir is alles oans, mir is alles oans, / ob i a Geld hab oder koans!
2. Wer a Geld hat, der ziagt auf d'Jagd hinaus / und wer koans hat, fangt si d'Fliagn z'Haus. Mir is alles oans, / ...
3. Wer a Geld hat, der kann zum Sacher fahrn / und wer koans hat, kocht si dahoam an Schmarrn. / ...
4. Wer a Geld hat, der reist ins Bad im Summa / und wer koans hat, der schwimmt im Waschtrog uma. / ...
5. Wer a Geld hat, muass an Mercedes fahrn / und wer koans hat, fahrt mit an kloana Karrn. / ...
6. Wer a Geld hat, der fahrt an schnellen Wagn / und wer koans hat, springt schnell in Straßngrabn. / ...
7. Wer a Geld hat, dem gibts Finanzamt drauf / und wer koans hat, dem rechnens alles auf. / ...
8. Wer a Geld hat, der fliagt in Urlaub furt / und wer koans hat, der schnürt si eng sein Gurt. / ...
9. Wer a Geld hat, der lasst d'Soatn klinga / und wer koans hat, der muass selber singa. / ...
10. Wer a Geld hat, der muass in d'Oper geh / und wer koans hat, macht si's dahoam recht schee. / ...
11. Wer a Geld hat, der surft im Internet / und wer koans hat, geht mit der Frau ins Bett. / ...
12. Wer a Geld hat, der kaft an Dalmatiner / und wer koans hat, der halt sie 5, 6 Hühner. / ...
13. Wer a Geld hat, der geht zum Schuhböck essn / und wer koans hat, der muass McDonald fressn. / ...
14. Wer a Geld hat, der hat viele Erben / und wer koans hat, der kann in Frieden sterben. / ...

Trad.: In Oberbayern schon im 19. Jahrhundert umgesungenes und verbreitetes Wiener Volkssängercouplet. Mit seiner Zweizeiligkeit bietet es Gelegenheit für aktuelle Neu- und Umtextungen. Wir haben hier traditionelle und von uns neu formulierte Strophen beigegeben. EBES 1997.
Abdruck: Taschenliederheft "Couplets und Vortragslieder II", S. 22 (VMA 1992). TA: Volksgesang, Begleitung mit Akkordeon und Gitarre, EBES.