Text zu: "Kloa litzi, kloa leise" - Vierzeiler

Kloa litzi, kloa leise, / groß mag i net werdn, / schö rupfat, schö stupfat / wia a Haslnußkern.
Da drobn auf'n Bergal, / da raffa zwoa Taubn. / Da kimmt da Bock-Sepperl / zum Federnzamklaubn.
Bald hupft a, bald springt a, / bald draht a sein Huat. / Sei Dirndl hoaßt Katherl / und tuat eahm koa guat.
Da druntn am Moos, / da steht a Franzos; / er hat a greans Hüatl auf, / und a schwarz Roß.
Spanschnitzer, Spanschnitzer, / spreiz d'Kuchltür auf. / Die Köchin is drin / und gibt Küachln heraus.
Da Sepperl mit'n Steckerl / hauts' Nannerl am Fuaß. / as Nannerl werd zornig, / schickt an Sepperl koan Gruaß.
Mei Dirnei hoaßt Nannei, / hat schneeweiße Zahnei, / hat kohlschwarze Knia, / aber g'sehn hab is nia.

Qu: trad.Obb. (u.a. Slg. Kiem), teilw. Textneuf. VMA/EBES 1992. Abdr: Beim Bimperlwirt, S. 9.
TA: Kinder aus Starnberg mit Barbara und Ferdl Pfaffinger, Grundschule 24.5.1993.