Text zu: "Und a frische Maß Bier" - Allerhand.

Vierzeilerzusammenstellung auf eine oft benutzte einfache Melodie (vgl. Lied Nr. 13).

1. Und a frische Maß Bier hat an Foam, an weißn. / |: Heut gehn wir net hoam bis uns aussischmeißn. :|
2. Im Winter gibt 's Kletzen, im Sommer gibt 's Birn / |: und die allerschönst' Arbeit is 's Privatisiern. :|
3. Mitm Wirtsbenni vo Altenham hob i lacha müssn. / |: Der möcht mitm Schürhackl Spatzn schießn. :|
4. Auf da Regnsburger Bruckn liegt a Goaßlsteckn / |: und a leders Paar Handschuh is a recht warm. :| [!]
5. Und d' Liesl vo Zwiesl hat zwoaraloa Knia. / |: Was kann denn da d' Liesl von Zwiesl dafür? :|
6. Übers Gaßl bin i ganga zu da Pfarraliesl. / |: Da kimmt da Herr Pfarra mitm Ochsenfiesl. :|
7. Aba wart nur, Herr Pfarra, i wer die scho kriagn. / |: Jetzt bau i a Häuserl und heirat dei Dirn. :|

Lustsame Liedlein ... gesammelt von F.X. Rambold, Mai 1916, Hs Seite 75; 7 Vierzeiler ohne Nummern, 1-st. Melodie. TA: Wolfgang A. Mayer mit Gitarre; 2009-2011 WB.