Text zu: XV. He! Bäurin, is denn gar neamd z'Haus

1. He! Bäurin, is denn gar neamd z'Haus, / iatz warn de Kraner da! / Gehts her und suachts enk eppas aus / von deras guatn War! / Holla riarei djo, holla riarei djo, / gehts her und suachts enk eppas aus / von deras guatn War!
2. De Bäurin schreit de Dianan glei, / sie solltn acha geh; / sie sagt, iatz warn de Kraner da, / dia tan an Gspaß vosteh. / Holla riarei djo, ...
3. An kloavodrahtn Röckizeug, / an solchan müaßts enk wagn, / der ghört grad für de Weibanleut, / dia gern was bsunders tragn. / Holla riarei djo ...
4. De Buama werdn grad oichischaugn / und koana werd si z'tappn traun, / na habts halt deacht an Fried davo, / grad wohltoa werds enk scho. / Holla riarei djo ...
5. Und z'wissn brauchts von alln nix mehr, / iatz pack ma wieda z'samm / und aufs Jahr kemma ma wieda her, / ja wann ma 's Lebm no habn. / Holla riarei djo, holla riarei djo, / und aufs Jahr kemma ma wieda her, / ja wann ma 's Lebm no habn.

T/M: In Varianten seit ca. 1900 bekanntes Wanderhändlerlied, als "Kranerlied" 1932 aufgezeichnet von Wastl Fanderl in Bergen/Chiemgau nach dem Gesang von Josef Buchner, genannt "Gamsei" (Fanderl-Liederbogen 16/83).