Text zu: "Betracht ma amal de Zimmerleit" - Handwerkerlied

Tonbandaufnahme des "Fanderl-Trio" beim Bayerischen Rundfunk am 8. Mai 1950 (BR 29238 b). Wastl Fanderl singt an, Zitherbegleitung Hans Reichl.

1. Betracht ma amoi de Zimmaleit': / san alle woitern gleich, / |: a jeda wui da Braver sei, stinkfaul sans alle gleich.:|
2. Da oane rennt uman Zollstock um, / da andre rennt eahm vüa. / |: So messn's hoit den ganz'n Tag an oane Saustalltür. :|
3. I wollt ja nix vom Meß'n sagn, / wanns nacha recht dat werdn. / |: da feits hoit oft um an Bauernschuach, magst lacha oder rehrn.:|
4. Da oa spuit glei an großn Herrn, / steckt d'Händ an Hosnsack. / |: Da ander sitzt an Häusl drin, da dritte racht Tabak. :|
5. Und wann ma eah zum Ess'n schreit / da gehts hoit so vui pfendt / |: wenn oana in da Stubntür steht, so werd er niedergrennt. :|
6. Gibts Mittag Nudln und brav Schmalz, / da gehts hoit glei schlick, schlick, / |: da denk' i mir, o gsegn' da's God, daß koana net dastickt. :|