Text zu: Mir san die Schönsten von da Schui

1. Mir san die Schönsten von da Schui, / a Goschn wia a Krokodil, / |: an Rüssl wia a Elefant, / san mir net guat beinand? :| / Refrain: O mei, o mei, was fallt denn euch bloß ei, juche, / o mei, o mei, was fallt denn euch bloß ei?
2. Kennt's ihr d'Prinzessin Lilofee, / hat d'Zähn, so weiß als wia da Schnee, / |: hat Augn als wia a Baggersee, / is dees vielleicht net schö? :| / Refr.: O mei, o mei, was fallt denn euch bloß ei, juche, / o mei, o mei, was fallt denn euch bloß ei?
3. Kennt's ihr den feschn Stanislaus, / schaut wia an alta Heuschreck aus, / |: hat Haxn furchtbar lang und dürr, / was kann denn der dafür? :| / Refr.: O mei ...
4. De Madl von da 4. Klass, (oder andere Klassen) / de habn a ganz besondre Rass', / |: san blass als wia a Schweizer-Kas, / is des vielleicht koa Gspaß? :| / Refr.: O mei ...
5. Am schönsten san die 4. Klass-Buam, (oder andere Klassen) / habm Nasn wia a Gelberuabm, / |: an Hintern wia a Kanapee, / ja, unsre Buam san schö! :| / Refr.: O mei ...
6. Da drentn aufm Peyerlberg, (oder Untersberg, Peißenberg, ...) / da steht an alta Gartenzwerg, / |: der kraaht als wia a Kikriki, / genau a so wia i :| / Refr.: O mei ...
7. Da drobn auf de schwarzn Blöck, / da stehn zwoa alte Ziegenböck, / |: de meckern bloß den ganzn Tag, / is des vielleicht koa Plog? :| / Refr.: O mei ...
8. Mir san vom Popocatepetl, / habm da drobm a dickes Brettl (an die Stirn greifen) / |: und da vorn an Reißverschluss, (Hand vor den Mund) / jetzt mach ma wieda Schluss. :| / Refr.: O mei ...

Neuentstandenes Kinderlied von Wastl Biswanger (1938-2013) nach der seit ca. 1900 volkläufigen Melodie vom "Hiatamadl". Auf die charakteristische Pause * im Refrain wird gestampft oder geklatscht oder ein anderer Impuls gegeben. Die Texte gestaltete der Volksschulrektor Biswanger zusammen mit "seinen" Kindern der Grundschule Haunwöhr/Ingolstadt in den späten 1990er Jahren. Das Lied war im internen Arbeitsmaterial des VMA für den Lehrgang "Volksmusik in der Grundschule" in Achatswies 2002 enthalten. In der 4. und 5. Strophe werden die aktuellen Jahrgangsstufen eingesetzt. Die 6. Strophe nimmt Bezug auf einen benachbarten Berg (...berg), die 8. Strophe wird mit Gesten bereichert. Ansonsten ist es wichtig, aktuelle Textbezüge in neuen Strophen herzustellen. Das Lied lebt von Übertreibungen, vom lebendigen, oft lautstarken Vortrag, von Phantasien, lustigen Einfällen und Wendungen, wie z.B. in der folgenden weiteren Strophe (EBES 2015):

  9. Hab g'habt heut Nacht an lustign Tram: / I sitz auf einem Apfibam / |: und untn steht ein wilder Stier! / Was will denn der von mir? :| / Refr.: O mei, o mei, was fallt denn euch bloß ei, juche, / o mei, o mei, was fallt denn euch bloß ei?