Text zu: "Ja grüaß euch Gott, Leitl" – Gstanzlweise für Kirchweih

Traditionelles Kirchweihsingen mit regionalbezogenen Gstanzln und Landlerweisen.

1. |: Ja grüaß euch Gott, Leitl, jetz san ma halt do. / Jetz sing ma an Kirta, so laut wia ma ko. :|
2. |: An Sunnta, an Monta und a an Irta, / so lang werd jetz gfeiert, so lang is Kirta. :|
3. |: Ja steierisch tanzn und boarisch aufspuin, / so g'nau wia de Schützn tean de Preana scho zuin. :|
4. |: Am Kirta werd juchezt, werd tanzt und gsunga, / wias de Altn scho gmacht ham, machans a de Junga. :|
5. |: Da Tanzbodn is aufgstraht, d'Musikanten san g'richt, / as Essn is auftragn, ja des is a Gschicht. :|
6. |: De Buama von Rimsting, dene schick ma an Gruaß, / do ko koana kemma, weil er ausmistn muaß. :|
7. |: Musikanten, machts auf, es werds scho zahlt kriagn, / i lass enk an Hafn voll Erdäpfel siadn. :|
8. |: Herr Wirt, pfiati Gott, mir leidn koa Not, / mir kehrn wieda ei, wenns is, auf Kathrei. :|

Qu: Alte und neue Kirchweihgsangl aus verschiedenen Quellen mit einer aus überlieferten Motiven neugestalteten Melodiefolge mit Instrumentalbegleitung und Paschen auf das landlerische Instrumentalnachspiel. Die Texte stammen u.a. aus Feldforschungen des VMA (u.a. mit Jackl Irrgang um 1970/1980) in Prien am Chiemsee und Umgebung, aus der Sammlung von Franziska Hager (um 1930) und wurden mit eigenen Einfällen ergänzt und verändert. Neugestaltung EBES 2013. Abdr: "Lieder für Kinder und junge Leute 2", VMA 2015, S. 8. TA: Die Klasse 5a der "Franziska-Hager-Mittelschule" Prien am Chiemsee mit ihrem Lehrer Georg Leidel (Strophenauswahl und Flügelhorn, Leitung) und seinen Kollegen Veronika Lauber (Klarinette) und Christian Liebl (Akkordeon); Trachtenheim Prien 29.7.2015.