Text zu: "Aba Hansl, spann ei und steig auf und fahr mit" - Schmiedlied

Tonbandaufnahme der "Vier vom Gamsstadl" beim Bayerischen Rundfunk am 1. November 1951 (BR 30/529), Zitherbegleitung Hans Reichl. In anderer Form (ohne den Nachgesang in jeder Strophe) hat Wastl Fanderl sein Lied im Liedbogen 5 veröffentlicht. Die Strophenmelodie ist eine bekannte Halbwalzermelodie. Der Ansänger beim Nachgesang ist Bertl Witter.

1. Aba Hansl, spann ei und steig auf und fahr mit, / fahr ma eini ins Dorf, ja zum Kohlhiaslschmied. / |: Denn fürn Fuchsn werds Zeit, laß ma d'Eisn frisch schlagn, / und a Kloanigkeit richt ma de Deichsl vom Wagn. :| / Brauchst um koan Weg net fragn, bim, bim, bim, bim, bam, bam, / hörst scho an Hammer schlagn, bim, bim, bam, bam.
2. Kimmst hi zu der Schmittn beim Häusl am Grabn, / teans ans brennate Rad an schwarn Roaf onischlagn. / |: Is a Lebn auf der Bruckn und de Gselln ham a Freud, / geht da Bua mit'n Maßkruag zum Wirt d'rechte Zeit. :| / Lusti san d'Schmittnleut, bim, bim, bim, bim, bam, bam, / durstig san's allezeit, bim, bim, bam, bam.
3. Bist a Schmied, braucht um d'Arbat di gwiß koaner neidn, / kimmt a Rösserl, a wilds, derfst an Huaf net verschneidn. / |: Ja, d'Arbat vom Schmied, de braucht Kraft und Verstand, / daß de Bauern mit'n Zeug vom Schmied ar a Freud ham. :| / Vivat dem Schmied im Land, bim, bim, bim, bim, bam, bam, / er hilft dem Bauernstand, bim, bim, bam, bam.