Text zu: "Auf, auf, liabe Schützn" – D'Wildschützn

Die Wildschützen machen sich auf zur Schildhahnjagd. Sie übernachten auf der Alm bei der Sennerin und stehen zeitig auf, als die Hähne anfangen zu Balzen. Die Hähne werden erlegt und ihre Federn kommen auf den Hut. Zum Schluss macht sich der Schütze noch über die Jäger lustig, die sich vor ihm fürchten und keine Schneid haben.

1. Auf, auf, liabe Schützn, heut geh ma in Wald, / und weil hait da Schildhohfalz a wieda fallt, / machts enk no lusti, auf d'Alma geh ma fort, / und daß mir zammkemma an denselbn Ort.
2. Bix und Schrott, Pulver und Blei hab i bei mir, / es werd eh baid Nacht, geh ma all ins Quartier, / heut z'Nacht bei da Sennrin liegn, sie ghalt uns gschwind / und bleibn ma liegn bis in da Früah, is so lind und koa Sünd.
3. In da Fruah, wann i aufsteh, da hör i an Schild, / und da oa der gruit laut und da ander gruit still. / Es hamt scho zwee gschossn, is no net recht Tag, / i wer mi net lang bsinna, schiaß i a, wann i mag!
4. Da Schildhoh im Wald und der gibt ma koa Ruah, / i woaß scho, was is, und jetzt schleich i mi zua! / Er gruit und gruit, gruit mi allawei o. / Wann i mei Bixal knalln laß, werd a aufhörn, da Hoh.
5. Da Schildhoh is gschossn, den trag i mir z'Haus, / an Hoamgeh, da reiß ma eahm d'Fedan allsamt aus, / steckas auf aufn Huat, sands aft krumm oda grad, / is koa frischa Bua, der net Fedan auf hat!
6. Und jetzt is da Schildhohfalz a wieda aus, / geh i mit mein Stutzerl wohl lusti nachhaus; / da kimmt hait da Jaga, der mag koan nix toa, / drum toans eah ja allmal glei fürchtn alloa.
7. Muaß aufhörn, des Singa, will macha den Bschluß, / koan Jaga koan scheicha, des war a Vodruß. / Mir scheicha koan Jaga, sie hamt ja koa Schneid, / |: so bleibn hait mia Schützn no lustige Leut! :| — Juchuchuhui!

Qu: KP, S. 134-135 (nur Text, Lücke 2. Strophe), "Süß, S.78, Nr.10, ohne Melodie, Text verschieden, namentlich der Schluß." Wir übernahmen die von Wastl Fanderl 1966 in Grassau nach dem Gesang von Monika Scheck aufgezeichnete Weise. VMA/EBES 2013.
TA: VMA/TRL-0392; Christa und Josef Steiner, Traunstein; Gitarrenbegl.: Eva Bruckner, BGD; 17.9.2013, VMA.