Text zu: "In Tölz da fliaßt die Isar durch" – Tölzer Gamsbock

In dieser Schwankballade erzählen zwei Sänger, wie sich ein Gamsbock nach Tölz verirrt, wo er eingefangen wird. Nun erheben einige Personen Anspruch auf den Bock – so auch der Tölzer Jagdpächter, der zum Gamsbockfangen nichts beigetragen hat. Darüber entsteht ein heftiger Streit. Im ganzen Durcheinander gelingt dem Gamsbock die Flucht. Er wird in Gaißach – einem anderen Revier – wieder entdeckt, wo er zum zweiten Mal eingefangen wird. Der Streit darüber, wem er nun gehört, beginnt an diesem Ort von neuem.

1. In Tölz da fliaßt die Isar durch, da gibts oft allerhand,
   da kam erst kurz a Gams daher, des hams wohl freili gfangt.
   (Gesprochen:) Was hams gfangt / A Gams!
   Ja, ja, ja, da kam erst kurz a Gams daher, des hams wohl freili gfangt.
2. Da Schall, der in Tölz die Jagd hat pacht, der sprechat des Gams gern o,
   die oan ham sich mitn Fanga plagt, da Schall hat gar nix to.
   (Gesprochen:) Was hat a? / Nix to hat a! / Und jetzt möcht as?
   Ja, ja, ja, die oan ham sich mitn Fanga plagt, da Schall hat gar nix to.
3. Daß die oan jetzt da an Gamsbock ham, da isa an Schall schiach gracht,
   jetzt hätt er halt des Böckei da um 25 Mark gern kaft.
   (Gesprochen:) Was hätt er? / Gern kaft hätt as! / Des glab i gern!
   Ja, ja, ja, jetzt hätt er halt des Böckei da um 25 Mark gern kaft.
4. Da Schall sagt, wanns man um des net gebts, so zoag i enk einfach o,
   da Bock is in mein Revier gfangt worn, enk geht er gar nix o!
   (Gesprochen:) Was tuat a? / Ozoag'n tuat as! / Hat a si g'ärgat?
   Ja, ja, ja, da Bock is in mein Revier gfangt worn, enk geht er gar nix o!
5. Die oan ham an Bock mit hoamgnomma und haman guat eigsperrt,
   den andern Tag, als aufgstandn san, war da Bock scho desadeurt.
   (Gesprochen:) Was war a? / Desadeurt war a! / Da Bock?
   Ja, ja, ja, den andern Tag, als aufgstandn san, war da Bock scho desadeurt.
6. Da Bock hat gneist, daß gstrittn werd, drum macht er sich davo,
   und z' Goassa (Gaißach) drobn beim Jagdpächter, da meldt da Bock sich o.
   (Gesprochen:) Was hat a? / Ogmeldt hat er sich! Da Bock?
   Ja, ja, ja, und z' Goassa drobn beim Jagdpächter, da meldt da Bock sich o.
7. Wia da Bock umanand kemma is, da ko ma gar net redn,
   beim Lex'n z' Goassa is a z' morgischt in da Drecklach drinna gwen.
   (Gesprochen:) Beim Lex'n? / Ja, in der Drecklach!
   Ja, ja, ja, beim Lex'n z' Goassa is a z' morgischt in da Drecklach drinna gwen.
8. Da Lex, der schreit um d' Nachbasleut, de fanga den Bock glei ei.
   Da Bock is auf mein Revier gfangt worn, da Bock, sagt da Lex, ghert mei!
   (Gesprochen:) Was sagt a? / Eahm g'hert a! / Und an Schall is a gracht?
   Ja, ja, ja, da Bock is auf mein Revier gfangt worn, da Bock, sagt da Lex, ghert mei!

Qu: KP, S. 132-134, "Bekommen von Riesch-Vordergraber, Wegscheid bei Lenggries." TA: VMA/TRL-0073; Hannes Janßen (auch Bassgitarre), Bad Tölz und Ossi Hackl (auch Zither), Lenggries; 13.10.1991, Trachtenheim Hittenkirchen.