Text zu: "Drobn aufn Gamsgebirg" – Katznjaga

Ein nicht sehr erfolgreicher Jäger versucht sein Glück bei einer Sennerin in ihrer Hütte. Diese ist eine etwas grobe Person und bittet ihn die Katze niederzuschießen, die immer die Milch nascht. Und richtig gelingt es ihnen gemeinsam die Katze zur Strecke zu bringen. Das Lied hat starke erotische Anspielungen.

1. Drobn aufn Gamsgebirg, – da werd an Jaga schiach, / wei jeda Schuß vasagt, – wann er a Gamserl jagt, / lafts eahm allwei davo, – er steht mitn gspanntn Ho, / haut scho aus lauta Schand – 's Bixal an d'Felsnwand, – gift si und zahnt.
2. So denkt er gwiß zehnmal: – "Zberstn möcht i voll Gall!" / So oft sei Stutzerl kracht, – hat er an Fehlschuß gmacht. / Jetzt fangts z'renga o, – es rengt, was renga ko, / er wird wia a taufte Maus, – des halt da Teifi aus, – er halts net aus.
3. Dort in da Hüttn drinn – wißat er a Sennerin, / tuat si net lang beweiln, – üba 's Stiagei abisteign; / kimmt bei da Hüttn o, – sie schreit vo da Weitn scho: / "I hab a Katz dahascht, – de allwei Milli nascht, – brennts zamm, daß grad batscht."
4. Er denkt sich: "Jetzt gehts guat. – Wann es sich steifa tuat, / kimm i grad recht daher, – koa Breserl Pulver mehr; / was fang i denn jetzt o, – sie bringt die Katzn scho / und sagt: 'Brennts nur gschwind zamm', – i denk ma in Gottsnam – sie wills a so habn!"
5. Fünf Körndl Pulver nur – is für a Katz net gnua, / er lads deswegn glei – und glabt, es muaß so sei, / hat sunst koa Stäuberl mehr, – bleibt eahm die Zündpfann leer, / plagt si als wia a Roß, – geht eahm koa Schuß mehr los, – schelt wia a Franzos.
6. D'Sennrin, die wird glei keck, – reißt eahm sei Bixal weg, / und druckt halt o mit Gwalt, – richti hat 's Bixal gschnallt. / De, denkt sie, hat gwiß gnua, – de gibt jetzt gwiß a Ruah, / weils alle vieri streckt, – d'Milli ihr nimma schmeckt, – de is vareckt.

Qu: KP, S. 97-98 (nur Text), "Handschriftlich von Bürgermeister Schmucker, Ruhpolding. Stadler Martin in Au soll die Melodie haben." Melodiegestaltung unter Verwendung geläufiger Motive, EBES/VMA 2013. TA: VMA/TRL-0390; Josef Steiner, Traunstein; Gitarrenbegleitung: Eva Bruckner, Berchtesgaden; 17.9.2013, VMA.