Text zu: Sprücherl von Kindern und Erwachsenen - Teil 3 (siehe Nr. 17, 25, 30)

• Hans und Sepp hoaßt jeder Depp, / aber Thama, des is a Nama!
• Sepperl mitn Glöckerl hots Hemmad vabrennt, / d' Muatta mitn Steckn is an Sepperl nochgrennt. / Sepperl hat greart, d' Muatta hat glacht; / no hams all zwoa ins Bett einig'macht.
• Sepperl, Schnepepperl, schneid Hennadreck o, / schneid hinum, schneid herum, schneid ma ara Trumm o.
• Sepperl, ho, ho, / lass an Fensterstock do, / du konnst'n net braucha, mir geht er o.
• Sepp, Depp, Hennadreck; / schneids da Katz as Schwanzl weg, / schneids es ihra net ganz o, / dass sie bessa laffa ko!
• Sepp, Depp, Hennadreck, / hot die Hosn voller Dreck!
• Sepp, sag an Sepp, dass da Sepp zum Sepp sagt, / dass da Sepp zu da Suppn kimmt.
• Reserl, Brobresal, wo bleibst denn so lang? / Im Himmi sechs Wochn; / da Josef tuat kochn, / Maria tuat spinna, / de Engl, toan singa, / de Türkn, de Türkn kemman Fenster einschlagn.

Qu: Beispiele aus den Sammlungen von Karl (1908-1992) und Grete Horak (1908-1996), aus der Zeitschrift "Das deutsche Volkslied" und VMA (u.a. mündliche Überlieferung Sepp Linhuber, Eggstätt; Albert Aumüller, Furthmühle/FFB). TA: Patrick Deißenböck, Christine Glück, Julia Jelen, Sepp Linhuber, Stefan Matschina, Sophie Neumaier, Vroni Neumaier, Eva Streck; VMA 2. und 6.3.2006.