Text zu: "Bauer sei tat mi vodriaßn"

Der Sänger schildert in persönlicher Weise seine positiven und negativen "Erfahrungen" mit verschiedenen Berufen (Bauer, Pfarrer, Wirt, Kupferschmied), die vor allem auf den "Unterhaltungswert" und die Beziehung zum weiblichen Geschlecht zielen.

1. Bauer sei tat mi vodriaßn, / möcht koana mehr sei auf da Welt, / weis gar so viel Steuer zahln müaßn / und a jede Red war glei gfehlt. / Wennst di a weni lusti willst macha, / dann hoaßts, da Bauer hat Sacha; / na, na, des geht ma net ei, / a Bauer mag i koana sei.
2. Aba ebbas, des gfreuat mi am bestn, / a Pfarra, a soichana möcht i glei sei, / an Vormittag 's Messal zum Lesn, / an Namittag trunk i an Wei; / an Vormittag 's Kragal und 's Bindal, / und Namittag nahm i mei Flintal, / schuß ma a Hasal, a Reh, / als wenn i da Jaga selbst wä.
3. Aba 's Pfarra sei gfreut mi a nimma, / hab erst recht nachigschaugt, / de schön Deandl müaßt i allsamm kopuliern, / und z'letzt hät i selba koa Braut. / De schön Deandl müaßt i allsammt vogebn, / müaßt ganz oaschichti i lebn, / na, na, des geht ma net ei, / koa Pfarra möcht i a nimma sei.
4. Ja, 's Wirt sei, des war was vom Bestn, / des hat ma mei Lebtag scho gfalln, / i hockat mi zuawi zun Gästn, / und a jeda müaßt mi glei zahln. / Wer krump war, der kunnt ma gnua hinka, / wer Geld hat, der ko eahm gnua trinka, / und wer koans hat, dem schenkt ma net ei, / a sellana laßts Trinka glei sei.
5. Aba 's Wirt sei is a schöns Lebn, / tat an Leutn ums Geld net viel gebn, / i spuiat an noblign Herrn, / und alle Tag müaßts a Geld wern, / i lebat in Lust und in Freudn, / schaugat mir um a dopplte Kreidn, / machat auf oan Fahra zwoa Strich, / des war a Handl für mich.
6. Aba ebbas, des wissat i do no, / a Kupfaschmied möcht i glei sei, / am Vormittag klopfat i weni oni, / am Namittag gang i zum Wei, / am Vormittag klopfat i 's Pfannei, / am Namittag gang i zum Nannei, / auf d' Nacht da gang i zum Bier / und nahm mei Nanndl mit mir.

Qu: KP, S. 30, "Vorgesungen von Toni Funk, Brannenburg bei Rosenheim, 22.11.1928." TA: Konrad Thalmeier, Rohrdorf, 10.5.1992, Trachtenheim Hittenkirchen, TRL 0178.