Text zu: "In da Fruah, wann da Hoh macht an Krahra" - Fuhrmannslied

Bekanntes Lied vom Fuhrmann, seinem schönen, freien Leben, der Liebe, seinen Pferden.

1. In da Fruah, wann da Hoh macht an Krahra, / da steck i mei Köpferl auf d'Höh. / I bin halt a Fuhrmo, a schwara, / nimm d'Peitschn in d'Hand und schrei he! / |: I schrei hi und i schrei ho, / ja i schrei allawei wistaha ho! :|
2. I hab halt zwoa kohlschwarze Rapperln, / san eigspannt in an vierzöllign Wagn, / i hab halt mei Freud, wanns schö trapperln, / des kann i koan Menschn nit sagn. / I schrei hi ...
3. I hab halt a bildsaubers Madl, / is gschnitzt aus an eigana Holz, / sie wascht von mein Wagn die vier Radl, / drum bin i auf sie gar so stolz. / I schrei hi ...

Qu: KP, S. 74, "Vorgesungen von Sepp Schönhuber und Sepp Poschner in Schliersee, aufgenommen von Herrn Prof. Kurt Huber, München 1925. Dieses Lied ist auch in dem Büchlein: Oberbayrische Volkslieder, von Huber-Kiem. Vergriffen." TA: Sepp Linhuber, Eggstätt und Franz Xaver Taubenberger, Holzkirchen, 4.11.1991, TH Hittenkirchen, TRL 0101.